काठमाडौं । नेकपा माओवादी केन्द्रका अध्यक्ष प्रचण्ड र नेकपा एमालेका नेता माधवकुमार नेपालबीच बिहीबार छलफल भएको छ ।
सर्वोच्च अदालतले नेकपा बदर गरी एमाले र माओवादीमा फर्काइदिएपछि पेरिसडाँडामा अन्तिम स्थायी कमिटी बैठक गरेर छुट्टिएका नेताहरूबीच दोस्रो पटक छलफल भएको हो ।
सर्वोच्चको फैसलाविरुद्ध माओवादी केन्द्र शुक्रबार न्यायिक पुनरावलोकनमा जाँदैछ । एमालेको माधव नेपाल पक्षले सर्वोच्चको फैसला राजनीतिक र अचम्मको भएको टिप्पणी गर्दै न्यायिक पुनरावलोकन हुनुपर्ने बताइरहेको छ ।
यसै सन्दर्भमा छलफल गर्न नेताहरूबीच बैठक बसिरहेको हो ।
