माधव नेपालले भने- ‘प्रधानमन्त्रीका प्रेस सल्लाहकारको अभिव्यक्ति अस्वीकार्य छ’ « Drishti News – Nepalese News Portal
Logo

माधव नेपालले भने- ‘प्रधानमन्त्रीका प्रेस सल्लाहकारको अभिव्यक्ति अस्वीकार्य छ’


दृष्टि संवाददाता


काठमाडौं । नेकपा एमालेका वरिष्ठ नेता माधवकुमार नेपालले पार्टीका २३ सांसद सर्वोच्च अदालतमा विचाराधीन मुद्दामा २३ सांसदको हस्ताक्षर कायमै रहेको बताएका छन् ।

नेता नेपालले एमालेमा १० बुँदे सहमति भएको भोलिपल्ट सहमति विपरीत गलत व्याख्या भएको समेत बताएका छन् । प्रधानमन्त्रीका केपी शर्मा ओलीका प्रेस सल्लाहकारले गलत व्याख्या गरेको र त्यो अस्वीकार्य भएको उनको भनाई छ ।

प्रधानमन्त्री केपी शर्मा ओलीका प्रेस सल्लाहकार सूर्य थापाको अभिव्यक्तिप्रति आपत्ति जनाउँदै नेपालले यस्तो धारणा व्यक्त गरेका छन् ।

‘अदालतमा विचाराधीन मुद्दालाई प्रभावित पार्ने वा अदालतको मानहानी गर्ने गरी गरिएको वा गरिने व्याख्या मान्य नहुने कुरा स्पष्ट पार्दै सर्वोच्च अदालतमा विचाराधीन मुद्दामा निवेदक रहेका नेकपा (एमाले)का २३ जना सांसदहरू सबै एकसाथ रहेको र आफ्नो मान्यता र हस्ताक्षरमा दृढ रहेको कुरा स्पष्ट पार्दछु ।’ उनले भनेका छन् ।

यो पनि…

प्रतिक्रिया दिनुहोस्