भद्रपुर, २० भदौं । पूर्वप्रधानमन्त्री एवं नेपाल कम्युनिष्ट पार्टीका बरिष्ठ नेता झलनाथ खनालले प्रधानमन्त्री केपी शर्मा ओलीकै नेतृत्वमा पाँच वर्षसम्म सरकार सञ्चालन हुने बताएका छन् । झापाको चन्द्रगढीमा शक्रुबार प्रेस संगठन झापाले आयोजना गरेको पत्रकार सम्मेलनमा उनले भने, ‘मन्त्रिमण्डल हेरफेर हुनसक्ने अवस्था आएपनि प्रधानमन्त्री ओलीकै नेतृत्वमा पाँच वर्ष सरकार सञ्चालन हुन्छ ।’
वरिष्ठ नेता खनालले पार्टी एकीकरणको विषयले एक वर्षसम्म पार्टीका काममा केही गतिरोध आए पनि एकताका प्रक्रिया केन्द्रदेखि गाउँ–टोलसम्म नै टुंगिसकेकाले सबै तहका कमिटीहरु अब पूर्णरुपमा चलायमान हुने बताए ।
वर्तमान सरकारले संविधान कार्यान्वयन, संघीय शासकीयस्वरुपअन्तर्गतका ऐन–कानून निर्माण र लागू गर्ने सन्दर्भमा उल्लेख्य काम गरेको उल्लेख गर्दै उनले सरकारले ल्याएका केही विधेयक विवादस्पद देखिएकाले ती विधेयकका विषयमा छलफल गरेर अघि बढ्नुपर्ने बताए ।
नेता खनाल शुक्रबारदेखि भद्रपुर जेसिजको आतिथ्यमा भद्रपुरमा हुनलागेको नेपाल जेसिजको क्षेत्र ‘क’ सम्मेलनको उद्घाटनका लागि झापा गरेका छन् ।
