नेपाल समूहको निष्कर्ष : ओलीको एकल निर्णय मान्दैनौँ « Drishti News – Nepalese News Portal
Logo

नेपाल समूहको निष्कर्ष : ओलीको एकल निर्णय मान्दैनौँ


दृष्टि संवाददाता


काठमाडौँ । झलनाथ खनाल र माधव नेपाल समूहले केपी ओलीको एकलौटी निर्णय नमान्ने भएको छ।

शुक्रबार साँझ केपी शर्मा ओलीले एकतर्फी, एकलौटी ढंगले केन्द्रीय कमिटी पुनर्गठन गर्दै महाधिवेशनको मिति तोकेपछि वरिष्ठ नेता झलनाथ खनाल र माधवकुमार नेपाल समूहले आकस्मिक स्थायी कमिटी बैठक बोलाएर निर्णय नमान्ने बताएका हुन् ।

बानेश्वरस्थित होटेल अर्यालमा बसेको बैठकले विधान विपरित आएको केपी ओलीको निर्णय मान्न नसकिने भन्दै अब कसरी अगाडि बढ्ने भन्नेबारे छलफल गर्ने निश्कर्ष निकालेको हो।

पार्टी अध्यक्ष केपी शर्मा ओलीले शुक्रबार नवौँ केन्द्रीय बैठक राखेर पुनर्गठन गरेका थिए । ओलीले एकलौटी प्रदेश इन्चार्च तोक्दै अध्यक्ष र सचिवसमेत चयन गरेपछि झलनाथ–माधव समूह आक्रोशित छ।

प्रतिक्रिया दिनुहोस्