कांग्रेसको लक्ष्य आउने आमनिर्वाचन हो : डा महत « Drishti News – Nepalese News Portal
Logo

कांग्रेसको लक्ष्य आउने आमनिर्वाचन हो : डा महत


दृष्टि संवाददाता


कैलाली । नेपाली कांग्रेसका सह-महामन्त्री डा. प्रकाशशरण महतले नेपाली कांग्रेसको लक्ष्य भनेको आउने आमनिर्वाचन रहेको बताएक छन् ।
नेपाल प्रेस युनियनले सोमबार धनगढीमा गरेको पत्रकार सम्मेलनमा उनले कांग्रेसको मूल लक्ष्य आमनिर्वाचनबाट बहुमतका साथ सत्तामा जाने रहेको बताए ।
उनले भने, ‘त्यो लक्ष्यबाट दायाँबायाँ गर्दैनौँ ।’ उनले अहिले निर्वाचन नहुञ्जेलको अवस्थामा के गर्ने भन्ने कुरा संसद्को अङ्कगणितले निर्धारण गर्ने जनाए ।
उनले भने, ‘त्यो अङ्कगणित स्वाभाविक रुपमा नेपाली कांग्रेसको नेतृत्वमा सरकार बनाउने पक्षमा आयो भने कांग्रेसले त्यसको नेतृत्व लिन्छ र लिनुपर्छ भन्ने पार्टीमा आम राय छ ।’ नेता महतले कांग्रेस अरु कसैको नेतृत्वमा तथा अरुलाई समर्थन गरेर सरकारमा नजाने स्पष्ट पारे ।

प्रतिक्रिया दिनुहोस्