काठमाडौं । जनता समाजवादी पार्टी (जसपा)को अध्यक्ष डा। बाबुराम भट्टराईले प्रधानमन्त्री केपी शर्मा ओलीले आयोजना गरेको सर्वदलीय बैठकलाई व्यंग्य ‘एमसीसी बैठक’ बहिस्कार भएको बताएका छन् ।
शनिबार बालुवाटारमा आयोजना भएको सर्वदलीय बैठकमा अनुपस्थित भएका उनले ‘सर्वदलीय बैठकबारे कुनै औपचारिक निम्तो नपाएको’ बताउँदै मिडियाबाट मात्र जानकारी पाएको बताएका छन् ।
सामाजिक सञ्जाल ट्विटरमा उनले स्टाटस लेखेका छन्, ‘चेइ नभनी कुकुर पनि कसैको घर जाँदैन रे १ मिडियाबाट सुनिएको कथित सर्वदलीय बैठकमा प्रम निवासको मिठोमसिनो उदरस्थ गर्न पाइएला भनेर त्यत्तिकै हाम्फालेर जाने कुरा भएन । जसपाको आधिकारिक केन्द्रीय कार्यालय बालकुमारी, ललितपुरमा सोध्दा कुनै जानकारी थिएन । पछि मिडियाबाटै सुनियो– एमसीसी बैठक बहिष्कार पो भएछ ।’
प्रधानमन्त्री केपी शर्मा ओलीले शनिबार एमसीसीबारे छलफल गर्न सर्वदलीय बैठक बोलाएको मिडियामा चर्चा भएको थियो । मिडिया चर्चा गरिएअनुसार बैठकमा प्रधानमन्त्री ओलीले एमसीसीकै विषयलाई छलफलमा जोड दिएका थिए ।
सो बैठकमा भट्टराईलगायत एमालेका बरिष्ठ नेता माधवकुमार नेपाल, भलनाथ खनाल र नेकपा माओवादी केन्द्रका अध्यक्ष प्रचण्डले बहिस्कार गरेका थिए ।
चेइ नभनी कुकुर पनि कसैको घर जाॅदैन रे!मिडियाबाट सुनिएको कथित सर्बदलीय बैठकमा प्रमनिवासको मिठोमसिनो उदरस्थ गर्न पाइएला भनेर त्यत्तिकै हाम्फालेर जाने कुरा भएन।जसपाको आधिकारिक केन्द्रीय कार्यालय बालकुमरी,ल.पु.मा सोध्दा कुनै जानकारी थिएन।पछि मिडियाबाटै सुनियो-MCCबैठक बहिष्कार पो भएछ!
— Baburam Bhattarai (@brb1954) April 18, 2021